રિયલ ગુજરાતી પબ્લીક સ્ટેન્ડ..!!

                                  ગુજરાત ના તમામ સ્થળ મા જાવ,કોઇ જગ્યા એવી જોવા ન મળે કે જ્યા પાન નો ગલ્લો ન હોય,જ્યા જાતજાત ના ભાતભાત ના લોકો ભેગા થાય અને ગામ આખા ની વાતો જાણવા અને સાંભળવા મળે,એક પ્રકાર નુ સ્ટેશન,સ્ટેન્ડ,કે પછી એક હબ બની ગયુ છે. તમે ગુજરાતમા ગમે તે છેડે જાવ,ત્યા કોઇ પણ જગ્યાએ સારો એવો પાનનો ગલ્લો ના મળે એવુ બને જ નહિ,,  એક પ્રકાર ની પેશન બની ગયુ છે,

                                  આપણી જ વાત કરીએ તો આપ કોઇ ને ત્યા મહેમાન બનીને જાવ,ત્યા પણ યજમાન તમને જમાડી ને આંટો મારવાના બહાને ત્યાના લોકલ પાનના ગલ્લે લઈ જશે,અને આપ પણ આપને ત્યા કોઇ મહેમાન આવે તો આપના લોકલ ગલ્લે લઈ જશો,,બરબર ને ?? અને પાછુ એમાય જેતે ગલ્લે ખાતુ તો હોયજ,તે વગર તો પાન-મસાલા હજમ ના થાય, મહેમાન પૈસા ના આપીદે એટલે પહેલેથી જ ગલ્લા વાળાને ટ્રેનીંગ આપી હોય,

                               અને હવે તો મે જોયુ છે કે પાન ના ગલ્લા તો પ્રોફેશનલ ડિસકસ માં તો ફેમસ થઈ ગયા છે.નાની મોટી ડીલ ની મીટીંગ પણ પાન ના ગલ્લે ફટાફટ થઈ જાય છે,ને ઠંડુ પીવાનુ બહાનુ મળી જાય,ને પાછુ ગલ્લા ની આગળ ચા ની કિટલી હોય...ઓહોહોહો..!! તો તો જામો પડી જાય હો..!!

                             આ ગલ્લા રસિકો ને લિધે તો પાન ના ગલ્લા પણ હવે શોરૂમ જેવા લાગે છે,,બોલો..!! તમે જોયા હશે હવે તો ભાઈ ગલ્લાવાળા પણ એ.સી લગાવે છે,ને ગલ્લાઓ પણ એવા શોરૂમ જેવા શણગાવેલા હોય..!! ગલ્લા માં,નવી જુની,રાજકારણની,અને હા મેચ હોય તો તો ગલ્લાઓ ઉભરાય,આવી રોનક તો ગુજરાત માં જ જોવા મળે હો...!!

                         પણ એક જનજાહેર વાત કહુ તો,,આ ગુટખા,પાન,બિડી,તમાકુ,મસાલ છેવટે તો આપણા ડોક્ટરો ની અપોઇમેન્ટ કરાવે છે,અને કેન્સર ને આમંત્રણ આપે છે.તો તે વ્યસન ન લો તો સારુ,હા પણ વ્યસન ના બદલામા મીઠા-ઠંડા પાન ની મજા તો કઈક અલગ જ છે,વ્યસન છોડી તે જરૂર ખાઓ.